- كرواسون بالزعتر
 | من المعجنات الفرنسية و هو عبارة عن عجينة مصنوعة في المنزل و محشوة بالزعتر و مخبوزة في الفرن |
- كرواسون بالزيتون
 | من المعجنات الفرنسية الشهيرة يصنع من عجينة الباف باستري و محشو بالبصل و الزيتون و البقدونس و يخبز في الفرن |
- عجينة الساليزون
2 ونص كيلو دقيق
3 كوبايات ماء
نص كيلو زبده
3 معالق كبيره ملح
8 بيضات
طريقة التحضير:-
كل ده يتحط فى العجانه ويتعجن مع بعضه كويس
هايدى عجينة متماسكة حوالى 3 كيلو
نقسمها نصين
كل نص نفرده كويس ونحط وسطه نص كيلو زبده تانى
بس الزبده لازم تكون متماسكه من التلاجة وتفرد لوحدها وبعدين نحطها
ونطبق على الزبده أطراف العجين من الاركان
وتفرد تانى ( كل ده باستعمال النشابه والعضلات )
نكرر تلات مرات التطبيق والفرد
ثم توضع بالتلاجة لتانى يوم ويكرر الفرد والتطبيق 3 مرات برضه
وتعاد للتلاجة لليوم التالى وهكذا
يعنى تاخد 3 ايام للانتهاء منها
بعد كده تقسم لاى اشكال قبل الخبز وتوضع الاضافات
ومنها اضافات تدخل الفرن واضافات تانيه بعد الخروج من الفرن
واذا كان الموضوع لغاية كده ممكن تعمليه قولى ونكمل وصف الاضافات
